بسم الله الرحمن الرحيم ..
ربّي إن ( روآن الفضيلي ) نزلت بك .. و أنت خير منزول بها .. و أصبحت فقيرة إلى رحمتك .. و أنت
غنيّ عن عذابها .. آتها برحمتك رضاك ..!!
بما إنك فتحت الايميل .. فأتمنى ما تقفله إلا عند آخر حرف ..
عادةً .. لما أكتب إيميل أو أي موضوع .. أعتذر عن ركاكة أسلوبي ..
لكني هالمرة ما راح أعتذر ..
لأن الناس اللي قضيت عمري كله أهتم لمشاعرهم .. و أحرص على إني ما أجرحهم ..
كلوا لحم أختي – في الله - .. و ما حشموا ترابها الي للحين ما نشف !!
ماتت روان فجر يوم الأحد الماضي .. ماتت و ما درت إنها تركت وراها ناس مكسورة
و حزينة على فراقها .. و ناس ( أو مع إحترامي أشباه ناس ) يغتابونها و يشوهون سمعتها ..
ناس ما عرفوا حرمة الميّت .. ناس ذممهم وسيعة .. ناس للأسف ما يخافون الله ..
ناس ألسنتهم تلوك و تلوك .. و تتكلم بكلام ماله أساس من الصحة .. و عند نهاية المجلس ..
تقول ( الله يستر عليها .. اللهم لا شماته )
لا ستر الله عليهم في الدنيا و لا في الآخرة ..
ماتت روان ..
ولمن تهمّه القشور .. و يبحث عن القصص .. و الجديد .. راح أكتب القصة ..
القصة اللي احنا نعرفها .. مثل ما نعرف بنتنا روان !!
روان طلعت مع أخوها في السيارة ..
و في أحد الطرق العامّة .. قضى الله على سيارتهم أن تصدم في عمود الإنارة ..
و صارت الضربة القوية على جانب روان ..
و هي في نزعها الأخير ..
طلع أخوها من السيارة .. عشان يكلم أهله ..
و لمّا رجع .. لقى مجتمعنا الراقي .. مجتمع حولها ليحكم من النظرة الأولى .. يشمت .. و يتبلّى ..
ويألّف قصة جديدة في راسه .. عشان يرجع البيت و يحكيها لأهله ..
كثر الكلام عنها .. كثر الهرج و المرج ..
قالوا إنها كانت تسوق السيارة لحالها و في سرعة جنونية ..
واحنا أعرف في بنتنا منهم .. ونعرف أن روان أصلاً ما تعرف تسوق السيارة
بالدرجه اللي تمكنها من إنها تطلع في طريق عام .. و بسرعة جنونية بعد !!
قالوا إنها علمانية .. و منفتحة ..!!
حكموا عليها .. و نسوا إن الله أعلم بالنيّات ..
نسوا إن اللي أخذ روان بهالوقت .. قادر على إنه ياخذ بنتهم و يفضحها !
مؤسف الكلام اللي سمعناه أيّام العزاء ..
ناس ما احترمت أهلها اللي قلوبهم مكسورة على بنتهم ..
ووصلت فيهم الوقاحة إنهم يتكلمون عنها قدامهم !!
روان انظلمت كثير ..
و حسبي الله و نعم الوكيل على من ظلمها ..
طلع واحد بأحد القنوات الفضائية ..
بقول إنه يعرف روان ..
و إنها كانت منحاشة من بيت أهلها ( منحاشة = هربانة )
يا ويله .. تبلّى عليها .. ووحدة تقول إننا نقول هالكلام عشان نغطّي ع الفضيحة !!
أي فضيحة ؟!
من متى صرنا نعرف الناس أكثر من أهلهم ..
نسوا حرمة الميّت ..
ونسوا إنهم شهداء الله في أرضه ...
ع الأقل ..
لو أنت مقتنع إنها كانت على سوء ..
امسك لسانك ..
( و هل يكبّ الناس على وجوههم الا حصائد ألسنتهم )
بعيد عن كلام أهلها .. و بعيد عن اللي صار ..
هذا كلامي أنا دانة ..
يعني لو وحدة بالكويت ماتت بحادث .. طلع عنها هالكلام ؟!
لو بنتك إنت يا اللي تكلمت .. بهالعطلة ساقت و ماتت .. بتقول إنها علمانية ؟!
مجتمع راقي .. و أحسده على هالرقيّ .. ما تزيدون إلا ........!!
و الله إني قاعدة أحاول قد ما أقدر يكون كلامي راقي .. و ما أتلفظ بألفاظ تسيء لأي أحد ..
لكن ناس مثلهم يستاهلون الرقي و الإحترام ؟!
و الله دنيا رديّة .. و ناس أردى ..
بدل ما يعزّون أبوها ..
تكلّموا عنه ..
قالوا إنه ديوث ..!! (عذراً على الكلمة)
ووالله إن ( ماجد الفضيلي ) أحسن منك مليون مرة
يا اللي ما تتورّع عن أعراض الناس ..
حسبي الله و نعم الوكيل ..
هذا تعليق واحد بأحد المنتديات:
الله يرحمها
لكن كلام أبوها خرط فاضي
قال ايه قال ما تعرف القيادة!!!!!
لو الشرطة والإسعاف والناس لاقين معها أخوها كان قالوا !!!
والا تبي تقول إن كل من باشر الحادث ما عندهم سالفة بس أنت اللي عندك السالفة
بنتك هي اللي تسوق أانت تدري بهذا الشي وما دام إنك مستحي من الناس
ليش تعلمها السواقة بدليل إنك تقول إنها تدور بالبيت والأشياء البسيطة
قال إيه قال ما تعرف تسوق؟؟ يافشيلك عند الله وخلقه !!!!
كلامك خراط ومهايط وتقرير الشرطة والمستشفى أوضح من عين الشمس
اللهم لا شماته
يا سبحان الله ..
لا أنت اللي تعرف السالفة ..
وأنت اللي ما تخربط ..
ويا سخافة عقلك ..
أنا ماني حقودة .. و ماني قاسية ..
لكن هم القاسين ..!!
لو فكروا لحظة بس إن روان ممكن تكون بنتهم ..
و الله ما تكلموا ..
على فكرة ..
في السيارة ..
روان لقّنوها الشهادة ..
و تشهّدت ..
لكنها ما ماتت إلا في المستشفى ..
طيب ليه هذا الكلام ما انتشر ؟!
ولا لأن فيه الخير ؟!
للأسف ..
ناس مريضة ..
تدوّر الكلام السيئ عشان تتناقله ..
ووالله ما قهرني الا أهل الدين اللي تكلموا فيها ..
و الله إن الدين منهم براء ..
هذا اللي أخذوه من القرآن و من الدين ؟!
إساءة ظن .. و غيبة ..
اللهم اجعل دينهم حجة عليهم و افضحهم يارب ..
بعد هالكلام هذا ..
إذا أنت ( ....) و ما زلت مقتنع بكلام الجرايد ..
فما أقول غير ..
ربي يعطيك العقل ..
أختم بالدعاء لروان ..
اللهم يا حنان يامنان يا واســـع الغفران أغفــر لها وارحمها وعافها واعف عنها واكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس.
اللهم أسألك بكل اسم سميت به نفسك ، إن كانت مقصرة في عباداتها فأعفو عنها برحمتك وتجاوز عنها وتحمل عنها يا أرحم الراحمين فانك يارحمن فى غنى عن هذا العبادات ، ولكنها فى امس الحاجه لرحمتك وعفوك لأنها لا تجد من يرحمها غيرك يا الله
اللهم : أبدلها دارا خيرا من دارها و أهلا خيرا من أهلها وزوجا خيرا من زوجها وولدا خيرا من ولدها وجارا خيرا من جارها ، وادخلها الجنة و أعذها من عذاب القبر وفتنته ومن عذاب النار
اللهم : عاملها بما أنت أهله ولا تعاملها بما هي أهله.
اللهم : اجزها عن الإحسان إحسانا وعن الإساءة عفوا وغفرانا.
اللهم : إن كانت محسنة فزد في حسناتها وان كانت مسيئة فتجاوز عنها يارب العالمين
اللهم : ادخلها الجنة من غير مناقشه حساب ولا سابقه عذاب
اللهم : انسها في وحدتها وانسها في وحشتها وانسها في غربتها .
اللهم : أنزلها منزلا مباركا وأنت خير المنزلين ..
لا تنسى أن من ذبّ عن عرض أخيه المسلم ذبّ الله عنه النار يوم القيامة ..
انشرها ..
لأنك حتى لو ماكنت تعرف روان ..
فــ فيه الملايين من من يتكلم عنها و يسيء لها ..
و لا تنسَ ان روان أختك المسلمة ..
شهدت أن لا إله الا الله و أن محمد رسول الله ..!
من إيميلي....على ذمة صاحبة الرسالة...
والله يرحمها ويغمد روحها الجنة...آآآآآمين
